"SOLIQ BILIMDONLARI"

"SOLIQ BILIMDONLARI" Respublika ko'rik-tanlovining shahar bosqichi bo'lib o'tdi. Unda Toshkent Moliya, Irrigatsiya, Yuridik institutlari, Toshkent Axborot texnologiyalari universiteti, "Plexanov" nomli Moskva davlat universitetining Toshkent filiali hamda Davlat soliq qo'mitasining SOLIQ AKADEMIYASI o'zaro kuch sinashdi. Aytish joizki, barcha ishtirokchi guruh vakillari o'zlariga xos juda chiroyli  chiqish qildilar. Bu uchrashuv finalga teng kurashlar bilan davom etdi. Tanlovning 3-sharti, ya'ni uyga vazifa shartida tanlov ishtirokchilari "soliq to‘lovchi-davlat soliq xizmati organlari-byudjet" mavzulariga oid sahna ko'rinishlarini namoyish qildilar. Bunda ayniqsa, Soliq
akademiyasining "Intellektual yoshlar" jamoasi o'ta orginal, noodatiy chiqish qildi va ko'p sonli tomoshabinlarning olqishiga sazovor bo'ldi.
Yakunda mutlaq g'oliblikni hech kim qo'lga kiritmadi (aslida Soliq akademiyasi mutlaq g'oliblikka munosib edi). Hay'at a'zolarining sharhsiz baholashlaridan so'ng uchta guruh g'olib deb topildi va tanlovning Respublika bosqichiga yo'l oldi. Bular Toshkent Irrigatsiya va Toshkent yuridik institutlari hamda Soliq akademiyasining jamoalaridir.