"Soliq bilimdonlari" Respublika tanlovining shahar oldi bosqichi katta shov-shuvga sabab boldi.

Kuni kecha Respublikamizning Irrigatsiya va melioratsiya institutida "Soliq bilimdonlari" Respublika tanlovining mahalliy guruh bosqichi bo'lib o'tdi. Unda Diplomatiya, TQI, Soliq akademiyasi hamda mezbon institutning terma jamoalari ishtirok etdi.
Kamolot yetakchisi raisligi boshchiligidagi 5 nafar yosh hay'at a'zolari 4 ta shartga ko'ra 2 ta jamoani g'olib deb, keyingi shahar bosqichiga tavsiya qildi.
Aytib o'tish joizki, hay'at a'zolarining bu harakati bir qancha e'tirozlarga sabab bo'ldi. Sababi 4la shartga ko'ra, Soliq akademiyasi g'olib bo'lib turgan joyda hay'at Soliq akademiyasi talabalariga sharhsiz past baho qo'yib, mezbon guruhni g'olib hisobladi. So'ng, Soliq akademiyasi rahbariyati tomonidan tegishli tartibda hay'at a'zolariga qo'yilgan past baholarni sharhlab berishlari iltimos qilinganda, hay'at raisi 2 jamoani 1-o'rin deb e'lon qildi.
Shuni ham ta'kidlash joizki, tanlovda faqatgina bir jamoa keyingi bosqichga yo'l olishi kerak. Shuning uchun haqiqatda g'olib bo'lgan jamoa tez orada e'lon qilinishi, hay'at a'zolariga nisbatan esa tegishli tartibda surishtiruv o'tkazilishi va tanlovning Nizom shartlariga qat'iy rioya qilinganligi aniqlashtirilishi mumkin.

Soliq akademiyasida tadbir

Kuni kecha Soliq akademiyasida "Soliq bilimdonlari" Respublika tanlovining 1-bosqichi, ya'ni ichki bosqich bo'lib o'tdi. Unda Soliq akademiyasi 3-bosqich talabalaridan shakllangan 2 ta guruh, ya'ni "Intellektual yoshlar" hamda "Yosh soliqchilar" jamoalari o'zaro bellashdilar. Bellashuv 4 ta shartdan iborat bo'ldi. 1-shartda guruhlar o'zlari ta'lim olayotgan OBYni, undagi sharoitlarni, soliq tizimidagi o'zgarishlarni va qisqacha takliflarni sahna ko'rinishi orqali, media uskunalardan foydalangan holda, albatta, namoyish qildilar.
2-shartda esa jamoalar hakamlar tomonidan tayyorlangan jami 10ta bilet savollariga 5tadan javob berdilar. 3-shart: guruhlar soliqlarning tub mohiyatini ochishga, yoshlarda soliq madaniyatini shakllantirishga, soliq qonunchiligidagi kamchiliklarni ko'rsatib berishga va ularni yechimi bo'yicha takliflarni berib o'tishga qaratilgan sahna ko'rinishini namoyish qildilar. 4-shartda esa jamoa sardorlari bellashdilar. Ikkala guruhdan saralab olingan jamoa endi shahar bosqichiga yo'naltiriladi.

Daromad solig‘i, sug‘urta badali hamda yagona ijtimoiy to‘lov hisoblanishi lozim

Korxonaning 2015 yildagi asosiy faoliyat turi noturar obyektlarni ijaraga berishdan iborat. Firma o‘zining bitta obyektini ijaraga beradi va ushbu obyekt bo‘yicha barcha kommunal to‘lovlar ijaraga oluvchi tomonidan to‘lanadi. Men ushbu firmada yagona xodimman va obyektni ijaraga berish har kunlik ishlashni talab etmaganligi sababli, 2015 yil fevral oyidan to‘liq bo‘lmagan ish haftasiga o‘tdim, haftasiga 1 kun ishlayman.Mehnat kodeksining 119-moddasiga asosan, xodim bilan ish beruvchi o‘rtasidagi kelishuvga binoan ishga qabul qilish chog‘ida ham, keyinchalik ham to‘liqsiz ish kuni yoki to‘liqsiz ish haftasi belgilab qo‘yilishi mumkin. Ish beruvchi ushbu Kodeksda, shuningdek mehnat to‘g‘risidagi qonunlar va boshqa normativ hujjatlarda nazarda tutilgan hollarda xodimning iltimosiga ko‘ra to‘liqsiz ish vaqtini belgilab qo‘yishi shart.To‘liqsiz ish vaqti sharti bilan ishlash xodimning yillik asosiy mehnat ta’tilining muddatini, mehnat stajini hisoblashni hamda boshqa mehnat huquqlarini biron-bir tarzda cheklashga asos bo‘lmaydi va ishlangan vaqtga yoki ishlab chiqarilgan mahsulotga mutanosib ravishda haq to‘lanadi deyilgan.Oylik ish haqim 360000 so‘mni, ya’ni mehnatga haq to‘lashning Yagona tarif setkasi eng kam me’yoridan kam bo‘lmagan miqdorni tashkil etadi. 2015 yilda haqiqatda ishlagan kunim 73 kunni, bir yillik daromadim 1014105 so‘mni tashkil etdi. Daromadim ishlagan kunlarimga nisbatan hisoblaganda, ya’ni eng kam ish haqining 1 baravarigacha bo‘lgan daromadni jami 12 oyda 1420800 (118100:12) so‘mni tashkil etmaganligi sababli, jismoniy shaxslardan undiriladigan daromad solig‘i hisoblanmadi.Qolgan soliqlar qonunchilikda belgilangan tartibda to‘liq hisoblangan. Menga soliq inspeksiyasida mehnatga haq to‘lashning Yagona tarif setkasi bo‘yicha birinchi razryaddan kam ish haqi hisoblanganligiga asoslanib jismoniy shaxslardan olinadigan daromad solig‘i bo‘yicha soliq hisobotini qabul qilishmadi.Shunga muvofiq quyidagilar yuzasidan tushuntirish bersangiz: 1. Firmaning ish hajmiga qarab haftada 1 kun ishlashim mumkinmi? 2. Ishlagan kunimga qarab ish haqi olishga haqqim bormi? 3. Oylik ish haqim ishlagan kunimga qarab Yagona tarif setkasining birinchi razryadidan kam bo‘lishi mumkinmi? 4. Hisoblangan ish haqi va to‘langan soliqlar bo‘yicha qonunbuzilish holatlari mavjudmi?
  Korxona direktoriO‘zbekiston Respublikasi Fuqarolik kodeksining 119-moddasiga asosan, xodim bilan ish beruvchi o‘rtasidagi kelishuvga binoan ishga qabul qilish chog‘ida ham, keyinchalik ham to‘liqsiz ish kuni yoki to‘liqsiz ish haftasi belgilab qo‘yilishi mumkin.Fuqarolik kodeksining 153-moddasiga muvofiq, mehnat haqining miqdori ish beruvchi bilan xodim o‘rtasidagi kelishuvga binoan belgilanadi. Bunda mehnat haqi qonun hujjatlari bilan belgilangan eng kam miqdordan oz bo‘lishi mumkin emas va uning eng ko‘p miqdori biron-bir tarzda cheklanmaydi.Ushbu Kodeksning 155-moddasiga asosan, muayyan davr uchun belgilangan mehnat normasini va mehnat vazifalarini to‘liq bajargan xodimning oylik mehnat haqi qonun hujjatlarida Mehnatga haq to‘lash yagona tarif setkasining birinchi razryadi bo‘yicha belgilangan miqdordan oz bo‘lishi mumkin emas.O‘zbekiston Respublikasi Prezidentining 2011 yil 30 dekabrdagi «O‘zbekiston Respublikasining 2012 yilgi asosiy makroiqtisodiy ko‘rsatkichlari prognozi va Davlat byudjeti parametrlari to‘g‘risida»gi PQ-1675-sonli qarorining 4-bandiga muvofiq, 2012 yilning 1 yanvaridan boshlab mehnatga haq to‘lash Yagona tarif setkasining boshlang‘ich razryadi etib birinchi razryad belgilangan. Respublikaning barcha tashkilotlarida mehnat haqi miqdori mehnatga haq to‘lashning Yagona tarif setkasi bo‘yicha birinchi razryaddan kam bo‘lmagan holda belgilangan.O‘zbekiston Respublikasi Vazirlar Mahkamasining 2009 yil 21 iyuldagi «Mehnatga haq to‘lashning yagona tarif setkasini yanada takomillashtirish to‘g‘risida»gi 206-sonli qarorining 1-ilovasi bilan mehnatga haq to‘lashning yagona tarif setkasi belgilangan. Unga muvofiq, mehnatga haq to‘lashning 1 razryadi eng kam ish haqining 2,476 tarif koeffitsiyentida hisoblanishi lozim. Bunda eng kam ish haqi 322474 so‘mni (130240*2,476=322474 so‘m) tashkil etadi.«Yagona ijtimoiy to‘lovning eng kam miqdori kiritilishi munosabati bilan yagona ijtimoiy to‘lovni hisoblab chiqarish va to‘lash tartibi to‘g‘risida»gi Nizomning (ro‘yxat raqami 2095, 2010 yil 13 aprel) 1-bandiga muvofiq, 2009 yilning 1 yanvaridan boshlab, YaIT to‘lovchilari YaITni O‘zbekiston Respublikasi Soliq kodeksida belgilangan tartibda tegishli yil uchun O‘zbekiston Respublikasi Prezidentining qarori bilan belgilangan stavka bo‘yicha, biroq:fermer xo‘jaliklari har bir xodimi uchun oyiga minimal ish haqining 50 foizi miqdoridan kam bo‘lmagan miqdorda;mikrofirmalar va kichik korxonalar (fermer xo‘jaliklari bundan mustasno) har bir xodimi uchun oyiga minimal ish haqining 65 foizi miqdoridan kam bo‘lmagan miqdorda;qolgan to‘lovchilar har bir xodim uchun oyiga bir minimal ish haqidan kam bo‘lmagan miqdorda yagona ijtimoiy to‘lovning hisoblanishi belgilandi.Ushbu Nizom quyidagilarga tatbiq etilmaydi:a) ixtisoslashtirilgan sexlar, uchastkalar va korxonalarda ishlovchi nogironlar mehnatiga haq to‘lash fondi qismida yuridik shaxslarga;b) notijorat tashkilotlariga, shu jumladan, byudjet tashkilotlariga;v) xodimlar soni va mehnatga haq to‘lash fondining eng kam me’yorlari belgilangan chakana savdo, umumiy ovqatlanish va qurilish sohasidagi tashkilotlarga;g) yangidan tashkil etilgan kichik tadbirkorlik subyektlariga, davlat ro‘yxatidan o‘tgan sanadan boshlab 6 oy davomida, agar mazkur muddatda ular o‘z ehtiyojlari uchun obyektlar qurgan taqdirda, qurib bitkazilgan obyektni qabul qilish hujjati tasdiqlangan sanasidan boshlab 6 oy o‘tgungacha, biroq ularning davlat ro‘yxatidan o‘tganidan so‘ng bir yildan ko‘p bo‘lmagan davrda. Bunda, yangidan tashkil etilgan kichik tadbirkorlik subyektlari, ular davlat ro‘yxatidan o‘tgan sanasidan 6 oylik muddat tugagan oyning keyingi oyidan boshlab, o‘z ehtiyojlari uchun obyektlar quruvchilar esa – qurib bitkazilgan obyektni qabul qilish hujjati tasdiqlangan sanadan 6 oylik yoki davlat ro‘yxatidan o‘tganidan so‘ng bir yillik muddat tugagan oyning keyingi oyidan boshlab, ushbu Nizomning 1-bandida ko‘rsatilgan YaITning eng kam miqdorini hisobga olgan holda YaITni to‘laydilar.Yuqoridagilardan kelib chiqib, korxona xodimiga necha ish kuni ishlashidan qat’i nazar korxona tomonidan mehnatga haq to‘lashning Yagona tarif setkasi bo‘yicha birinchi razryaddan kam bo‘lmagan miqdorda mehnat haqi, ya’ni 322474 so‘mdan kam bo‘lmagan miqdorda ish haqi hisoblanishi hamda korxona tomonidan ushbu ish haqidan belgilangan tartibda jismoniy shaxslardan olinadigan daromad solig‘i va sug‘urta badali hamda eng kam me’yorni inobatga olgan holda yagona ijtimoiy to‘lov hisoblanishi lozim.

Qaysi faoliyat turi bo‘yicha ro‘yxatdan o‘tish lozim?

Qaysi faoliyat turi bo‘yicha ro‘yxatdan o‘tish lozim?
Oila a’zolarim bilan qishloq xo‘jaligi mahsulotlarini yetishtirish bilan shug‘ullanmoqchimiz. Aytingchi, buning uchun yakka tartibdagi tadbirkorlikning qaysi faoliyat turi bo‘yicha ro‘yxatdan o‘tishim lozim? Umuman ushbu faoliyat uchun to‘lanadigan soliqlar va imtiyozlar haqida to‘liq ma’lumot bersangiz

  O‘zbekiston Respublikasida yakka tartibdagi tadbirkorlar o‘z faoliyatini O‘zbekiston Respublikasi Vazirlar Mahkamasining 2011 yil 7 yanvardagi «Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatini tasdiqlash to‘g‘risida»gi 6-sonli qarori bilan tasdiqlangan «Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxati» hamda O‘zbekiston Respublikasi Prezidentining 2005 yil 28 martdagi «Xalq badiiy hunarmandchiliklari va amaliy san’atini yanada rivojlantirish chora-tadbirlari to‘g‘risida»gi PF-3588-sonli Farmoni bilan tasdiqlangan «Xalq badiiy hunarmandchiliklari va amaliy-bezak san’ati buyumlari asosiy turlarining yangilangan ro‘yxati» asosida amalga oshiradilar.Mazkur ro‘yxatlarda yakka tartibdagi tadbirkorlarning qishloq xo‘jaligi mahsulotlarini yetishtirish bo‘yicha faoliyat turi qayd etilmagan.O‘zbekiston Respublikasining «Dehqon xo‘jaligi to‘g‘risida»gi Qonuniga asosan, dehqon xo‘jaligi oilaviy mayda tovar xo‘jaligi bo‘lib, oila a’zolarining shaxsiy mehnati asosida, meros qilib qoldiriladigan umrbod egalik qilish uchun oila boshlig‘iga berilgan tomorqa yer uchastkasida qishloq xo‘jaligi mahsuloti yetishtirishi va realizatsiya qilishi belgilangan.Shuningdek, mazkur Qonunga muvofiq, dehqon xo‘jaligi ixtiyoriylik asosida tuziladi hamda fuqaroga belgilangan tartibda yer uchastkasi berilganidan va dehqon xo‘jaligi davlat ro‘yxatiga olinganidan keyin tashkil etilgan, deb hisoblanadi.O‘zbekiston Respublikasi Prezidentining 2006 yil 24 maydagi «Tadbirkorlik subyektlarini davlat ro‘yxatiga olish va hisobga qo‘yishning xabardor qilish tartibini joriy etish to‘g‘risida»gi PQ-357-sonli qarori bilan tasdiqlangan «Tadbirkorlik subyektlarini davlat ro‘yxatiga olish va hisobga qo‘yishning xabardor qilish tartibi to‘g‘risida»gi Nizomga asosan dehqon xo‘jaligini davlat ro‘yxatidan o‘tkazish uchun hokimliklar huzuridagi Tadbirkorlik subyektlarini ro‘yxatdan o‘tkazish inspeksiyalariga davlat ro‘yxatidan o‘tkazish haqidagi ariza-xabarnomaga quyidagilar ilova qilinadi:1. Yuridik shaxs shaklidagi dehqon xo‘jaligi uchun:- davlat tilidagi ustavning ikki asl nusxasi;- firma nomlarining markazlashtirilgan ma’lumotlar bazasida qulay firma nomi zaxiraga olinganligini tasdiqlaydigan yagona login va parol;- ikki nusxada muhr va shtamp eskizlari;- tuman hokimining yer uchastkasi ajratib berish to‘g‘risidagi qarori nusxasi.2. Yuridik shaxs bo‘lmagan dehqon xo‘jaligi uchun:- dehqon xo‘jaligini yuritish uchun yer uchastkasi ajratib berish to‘g‘risidagi qaror;- ikki nusxada muhr va shtamp eskizlari (arizachining xohishiga ko‘ra);- pasport nusxasi.Davlat ro‘yxatidan o‘tkazish uchun hujjatlar Tadbirkorlik subyektlarini ro‘yxatdan o‘tkazish inspeksiyaga dehqon xo‘jaligi rahbari shaxsan o‘zi kelgan holda, pochta aloqasi yoki Internet tarmog‘i orqali taqdim etilishi mumkin.Ma’lumot uchun:Davlat ro‘yxatidan o‘tkazish uchun hujjatlarni internet orqali taqdim etish»Yagona interaktiv davlat xizmatlari portali» orqali amalga oshiriladi.Ta’kidlash joizki, dehqon xo‘jaliklarini davlat ro‘yxatidan o‘tkazilganligi uchun davlat boji olinmaydi.O‘zbekiston Respublikasi Soliq kodeksining 383-moddasiga asosan yuridik shaxs tashkil etgan va tashkil etmagan holda tuzilgan dehqon xo‘jaliklari soliq to‘lovchi jismoniy shaxslar uchun nazarda tutilgan tartibda soliqlar hamda boshqa majburiy to‘lovlar to‘laydi.Xususan, quyidagi soliqlar va boshqa majburiy to‘lovlarni to‘laydi:1) jismoniy shaxslardan olinadigan yer solig‘i;2) suv resurslaridan foydalanganlik uchun soliq;3) jismoniy shaxslarning mol-mulkiga solinadigan soliq;4) bojxona to‘lovlari;5) davlat boji;6) avtotransport vositalarini olganlik va (yoki) vaqtinchalik olib kirganlik uchun Respublika yo‘l jamg‘armasiga yig‘im.Dehqon xo‘jaligi a’zolari qishloq xo‘jaligi mahsuloti yetishtirish, o‘zlari yetishtirgan mahsulotni qayta ishlash va realizatsiya qilish bilan bog‘liq bo‘lmagan faoliyat bilan shug‘ullangan taqdirda, ular yakka tartibdagi tadbirkorlar sifatida ro‘yxatdan o‘tishlari hamda faoliyat turi va amalga oshirish joyidan kelib chiqib qat’iy belgilangan soliq va sug‘urta badallarini to‘lashlari shart.Shuningdek, Soliq kodeksining 311-moddasiga asosan yuridik shaxs tashkil etgan va tashkil etmagan holda tuzilgan dehqon xo‘jaliklarining a’zolari sug‘urta badallarini yiliga eng kam ish haqining to‘rt yarim baravaridan kam bo‘lmagan miqdorda to‘laydi. Bunda dehqon xo‘jaligining boshlig‘i sug‘urta badallarini majburiy tartibda, boshqa a’zolari esa, ixtiyoriylik asosida to‘laydi. Belgilangan miqdordagi sug‘urta badallarining to‘lanishi dehqon xo‘jaligi a’zosining mehnat stajini hisoblab chiqarishda bir yil deb hisobga olinadi.Shu bilan birga, Soliq kodeksining 179-moddasiga muvofiq, uy xo‘jaligida, shu jumladan, dehqon xo‘jaligida yetishtirilgan hayvonlarni (qoramol, parranda, mo‘ynali va boshqa hayvonlar, baliq va boshqalarni) tirik holda hamda ularni so‘yib, mahsulotlarini xom yoki qayta ishlangan holda, sanoatda qayta ishlashdan tashqari, tabiiy va qayta ishlangan chorvachilik, asalarichilik va dehqonchilik mahsulotlarini sotishdan olinadigan daromadlar (bundan manzarali bog‘dorchilik (gulchilik) mahsulotlari mustasno) jismoniy shaxslarning soliq solinmaydigan daromadlari tarkibiga kiritilgan.Mazkur daromadlar soliq to‘lovchi tegishli mahalliy davlat hokimiyati organi, fuqarolarning o‘zini o‘zi boshqarish organi, bog‘dorchilik, uzumchilik yoki polizchilik shirkatlarining boshqaruvlari tomonidan berilgan, realizatsiya qilingan mahsulot soliq to‘lovchi tomonidan unga yoki uning oila a’zolariga ajratilgan yer uchastkasida yetishtirilganligini tasdiqlovchi belgilangan shakldagi hujjatni taqdim etgan taqdirda, soliq solishdan ozod qilinadi.Yuqoridagilardan kelib chiqib, jismoniy shaxslar qishloq xo‘jaligi mahsulotlarini yetishtirishni uy xo‘jaligida yoki dehqon xo‘jaligi shaklida amalga oshirishlari mumkin.

РЕСПУБЛИКА ОЗИҚ-ОВҚАТ САНОАТИНИ БОШҚАРИШНИ ТАШКИЛ ЭТИШНИ ЯНАДА ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА

ЎЗБЕКИСТОН РЕСПУБЛИКАСИ ПРЕЗИДЕНТИНИНГ ҚАРОРИ РЕСПУБЛИКА ОЗИҚ-ОВҚАТ САНОАТИНИ БОШҚАРИШНИ ТАШКИЛ ЭТИШНИ ЯНАДА ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА (Ўзбекистон Республикаси қонун ҳужжатлари тўплами, 2016 й., 8-сон, 74-модда) Корпоратив бошқарувнинг жаҳон амалиётида қабул қилинган тамойиллари ва усулларига мувофиқ республика озиқ-овқат саноатини бошқариш самарали тизимини шакллантириш, тармоқ корхоналарини модернизация қилиш, техник ва технологик қайта жиҳозлаш учун инвестицияларни кенг жалб этиш, мева-сабзавот ва бошқа қишлоқ хўжалиги маҳсулотларини қайта ишлаш ҳажмларини ошириш, ички ҳамда ташқи бозорларда рақобатдош бўлган сифатли маҳаллий озиқ-овқат маҳсулотлари турларини ишлаб чиқаришни кўпайтириш мақсадида: 1. Маълумот учун қабул қилинсинки, Ўзбекистон Республикаси Президентининг «Ўзпахтасаноатэкспорт» холдинг компаниясини ташкил этиш тўғрисида» 2015 йил 27 октябрдаги ПФ-4761-сонли Фармонига мувофиқ чигитни қайта ишлаш ҳамда пахта ёғи ишлаб чиқаришни таъминлаш функциялари «Ўзпахтасаноатэкспорт» холдинг компанияси зиммасига юклатилган ҳолда тегишли корхона ва тузилмалар Озиқ-овқат саноати корхоналари уюшмаси таркибидан чиқарилди. 2. Ўзбекистон Республикаси Иқтисодиёт вазирлиги, Хусусийлаштириш, монополиядан чиқариш ва рақобатни ривожлантириш давлат қўмитаси ҳамда Озиқ-овқат саноати корхоналари уюшмаси муассисларининг Озиқ-овқат саноати корхоналари уюшмасини тугатиш ҳамда «Ўзбекозиқовқатхолдинг» холдинг компаниясини ташкил этиш, унинг устав капиталини Уюшма таркибига кирувчи корхоналар устав жамғармаларидаги давлат акциялари пакетлари (улушлари)ни баланс (номинал) қиймати ҳисобидан шакллантириш таклифига розилик берилсин. Холдинг компанияга Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси билан келишган ҳолда акцияларининг 51 фоизидан кам бўлмаган қисми давлатда сақланиб қолишини назарда тутган ҳолда, олинган маблағларни озиқ-овқат саноати тармоқларини ривожлантиришга қаратилган инвестиция лойиҳаларини амалга оширишга йўналтириш шарти билан қўшимча акциялар чиқаришга рухсат берилсин. 3. «Ўзбекозиқовқатхолдинг» холдинг компанияси фаолиятининг асосий вазифалари ва йўналишлари этиб қуйидагилар белгилансин: мева-сабзавот ҳамда бошқа озиқ-овқат маҳсулотлари ички ва ташқи бозорларини ўрганиш бўйича чуқур маркетинг тадқиқотлари ўтказиш ва бунинг асосида тармоқни ўрта ва узоқ муддатли истиқболда ривожлантириш дастурларини ишлаб чиқиш; юқори қўшилган қийматга эга, ички ва ташқи бозорларда харидоргир бўлган юқори сифатли озиқ-овқат маҳсулотларини ишлаб чиқариш мақсадида тармоқ корхоналарида қишлоқ хўжалиги озиқ-овқат хомашёсини янада чуқур қайта ишлаш замонавий технологик циклни ташкил этиш; қишлоқ хўжалиги маҳсулотлари ишлаб чиқарувчилари, қайта ишлаш корхоналари, тайёрлаш ва сотиш ташкилотлари ўртасида бозор муносабатлари асосида, унинг тайёрланиши, сақланиши, янада чуқурроқ қайта ишланиши ва сотилишини ҳисобга олган ҳолда ишлаб чиқарилган қишлоқ хўжалиги озиқ-овқат хомашёси ҳаракатининг замонавий логистикасини кенг жорий этиш; илғор хорижий технологиялар ва дизайндан фойдаланган ҳолда замонавий тара-қадоқлаш маҳсулотлари ишлаб чиқариш корхоналарини ташкил этиш; мева-сабзавот, гўшт-сут ва бошқа қишлоқ хўжалиги озиқ-овқат хомашёсини қайта ишлаш бўйича юқори унумли замонавий инновация технологияларини ишлаб чиқаришга жорий этиш, ушбу мақсадлар учун, авваламбор, стратегик хорижий инвесторларнинг тўғридан-тўғри инвестицияларини жалб этиш; қайта ишланган мева-сабзавот, шунингдек бошқа озиқ-овқат маҳсулотларининг экспортини ташкиллаштириш, ишлаб чиқарилаётган маҳсулотларнинг рақобатдошлигини ошириш бўйича чора-тадбирлар ишлаб чиқиш, озиқ-овқат маҳсулотлари сифатини баҳолашнинг замонавий халқаро тизимини ишлаб чиқаришга жорий этиш; ишлаб чиқариладиган маҳсулотларни стандартлаштириш ва сертификациялаш бўйича ишларни ташкиллаштиришда тармоқ корхоналарига кўмаклашиш, тармоқ корхоналарига ахборот хизматлари кўрсатиш, кадрлар тайёрлаш, қайта тайёрлаш ва малакасини оширишни ташкил этиш. 4. Қуйидагилар: «Ўзбекозиқовқатхолдинг» холдинг компаниясининг ташкилий тузилмаси, бошқарув ходимларининг чекланган сони 50 нафардан иборат унинг ижро этувчи аппарати тузилмаси 1 ва 2-иловаларга* мувофиқ; холдинг таркибига кирувчи корхоналар ва ташкилотларнинг рўйхати 3-иловага* мувофиқ маьқуллансин. * 1 — 3-иловалар рус тилидаги матнда берилган. Ўзбекистон Республикаси Вазирлар Маҳкамаси (Ш. Мирзиёев) икки ҳафта муддатда пухта танлов асосида «Ўзбекозиқовқатхолдинг» холдинг компаниясининг ижро этувчи аппаратини тасдиқланган тузилма ва штат жадвалига мувофиқ, бошқарувнинг замонавий корпоратив усулларини эгаллаган юқори малакали кадрлар билан бутласин. 5. Белгилансинки: «Ўзбекозиқовқатхолдинг» холдинг компаниясининг молиявий маблағлари иштирокидаги корхоналар акциядорлик жамиятлари ёки масъулияти чекланган жамиятлар шаклида ташкил этилади, бунда барпо этилаётган корхоналарнинг устав жамғармасидаги тегишли улуши холдинг компаниясининг устав жамғармасига капиталлаштирилади; «Ўзбекозиқовқатхолдинг» холдинг компанияси таркибига озиқ-овқат маҳсулотлари ишлаб чиқарувчи хусусий корхоналар уюшган аъзо мақомида кириши мумкин. 6. «Ўзбекозиқовқатхолдинг» холдинг компанияси, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси, Адлия вазирлиги бир ой муддатда: «Ўзбекозиқовқатхолдинг» холдинг компаниясининг устав капиталини унинг таркибига кирувчи корхоналар устав жамғармаларидаги давлат акциялари пакетлари (улушлари)нинг баланс (номинал) қиймати ҳисобига шакллантириш бўйича тадбирларни амалга оширишни таъминласин; «Ўзбекозиқовқатхолдинг» холдинг компаниясининг таъсис ҳужжатларини белгиланган тартибда ишлаб чиқсин ва тасдиқласин, уларни давлат рўйхатидан ўтказишни таъминласин, кузатув кенгаши ва тафтиш комиссиясини ташкил этсин. 7. «Ўзбекозиқовқатхолдинг» холдинг компанияси Ўзбекистон Республикаси Ташқи иқтисодий алоқалар, инвестициялар ва савдо вазирлиги, Молия вазирлиги ва Иқтисодиёт вазирлиги билан биргаликда замонавий савдо-логистика марказлари, мева-сабзавот маҳсулотларини сақлаш ва қайта ишлаш бўйича музлатиш қувватларини ташкил этиш учун халқаро молия институтлари ва хорижий банкларнинг узоқ муддатли кредитларини, шунингдек чет эл ва маҳаллий компанияларнинг инвестицияларини жалб этсин. Белгилансинки, замонавий савдо-логистика марказлари, мева-сабзавот маҳсулотларини сақлаш ва қайта ишлаш бўйича музлатиш қувватларини ташкил этиш учун Ҳукуматнинг кафолати билан жалб этилаётган халқаро молия институтлари ва хорижий банкларнинг қарз маблағлари «Ўзбекозиқовқатхолдинг» холдинг компанияси томонидан мазкур корхоналарнинг хўжалик фаолиятидан тушадиган даромадлари ҳисобидан қайтарилади. 8. Озиқ-овқат саноати корхоналари уюшмаси иштирокчиларининг тугатилаётган Озиқ-овқат саноати корхоналари уюшмасининг ҳуқуқ ва мажбуриятлари, шунингдек унинг мол-мулкини ташкил этилаётган холдинг компаниясига баланс қийматда бепул ўтказиш тўғрисидаги таклифи қабул қилинсин. 9. Белгилансинки: «Ўзбекозиқовқатхолдинг» холдинг компанияси Озиқ-овқат саноати корхоналари уюшмасининг ҳуқуқий вориси ҳисобланади; холдинг компанияси ижро этувчи аппаратининг жорий таъминоти ва унинг фаолиятини молиялаштириш унинг таркибига кирувчи корхона ва ташкилотларнинг дивидендлари, ажратмалари, ишлаб чиқариш-хўжалик фаолиятидан тушадиган даромадлар, қонун ҳужжатларида тақиқланмаган бошқа манбалар ҳисобидан амалга оширилади; «Ўзбекозиқовқатхолдинг» холдинг компанияси бошқаруви раиси ва унинг ўринбосарлари компаниянинг кузатув кенгаши томонидан сайланиб, Ўзбекистон Республикаси Вазирлар Маҳкамаси томонидан лавозимларга тасдиқланадилар ва мақоми бўйича тегишли равишда вазир ҳамда вазир ўринбосарларига тенглаштириладилар. 10. Ўзбекистон Республикаси Молия вазирлиги ҳамда Иқтисодиёт вазирлигининг «Ўзбекозиқовқатхолдинг» холдинг компанияси таркибида Озиқ-овқат саноати корхоналарини ривожлантириш, реконструкция қилиш ва модернизациялаш жамғармасини (кейинги ўринларда — Жамғарма) ташкил этиш тўғрисидаги таклифи қабул қилинсин ва Жамғарма даромадларини шакллантириш манбалари этиб қуйидагилар белгилансин: холдинг компанияси таркибига кирувчи корхоналарнинг давлат улушлари бўйича ҳисобланадиган дивидендларининг 50 фоизи; холдинг компанияси таркибига кирувчи корхона ва ташкилотлар соф фойдасининг 0,5 фоизи миқдоридаги ажратмалар; қонун ҳужжатларида тақиқланмаган бошқа манбалар. Белгилаб қўйилсинки: Жамғарма маблағлари Ўзбекистон Республикаси Молия вазирлиги билан келишилган ҳолда тармоқда янги корхоналар ташкил этиш, амалдаги корхоналарни модернизациялаш ва реконструкция қилиш, шунингдек халқаро молия институтларидан ҳукуматлараро битимларга мувофиқ Ҳукуматнинг кафолати билан олинган кредитларга хизмат кўрсатишга йўналтирилади; юридик шахслардан олинадиган фойда солиғи, ягона солиқ тўлови, шунингдек, давлат мақсадли жамғармаларига ҳамда Ўзбекистон Республикаси Молия вазирлиги ҳузуридаги Бюджетдан ташқари умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмаларнинг миқдорини ҳисоблаб чиқишда солиққа тортиладиган база Жамғармага ажратмалар суммасига тенг миқдорда камайтирилади. 11. «Ўзбекозиқовқатхолдинг» холдинг компанияси қимматли қоғозлар эмиссиясини давлат рўйхатига олиш учун йиғимлар ҳамда қимматли қоғозлар чиқариш тўғрисидаги ҳужжатларни кўриб чиқиш йиғимларини тўлашдан озод этилсин. 12. Ўзбекистон Республикаси Иқтисодиёт вазирлиги, «Ўзбекозиқовқатхолдинг» холдинг компанияси Қорақалпоғистон Республикаси Вазирлар Кенгаши, вилоят ҳокимликлари ҳамда бошқа манфаатдор вазирликлар ва идоралар билан биргаликда бир ой муддатда 2016 — 2020 йилларда хомашё базасини янада ривожлантириш ҳамда мева- сабзавот ва гўшт-сут маҳсулотларини чуқур қайта ишлаш, шунингдек, замонавий савдо-логистика марказлари ва музлатиш қувватларини, озиқ-овқат маҳсулотлари ишлаб чиқаришни кўпайтириш бўйича дастур ишлаб чиқсин ҳамда Вазирлар Маҳкамасига киритсин. 13. «Ўзбекозиқовқатхолдинг» холдинг компаниясининг ижро этувчи аппарати Тошкент шаҳри, Нукус кўчаси, 73а-уйга жойлаштирилсин. 14. Ўзбекистон Республикаси Адлия вазирлиги, «Ўзбекозиқовқатхолдинг» холдинг компанияси бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин. 15. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин. Ўзбекистон Республикаси Президенти И. КАРИМОВ Тошкент ш., 2016 йил 18 февраль, ПҚ-2492-сон

ЧЕТ ЭЛДА ИШЛАЁТГАН ЎЗБЕКИСТОН РЕСПУБЛИКАСИ ФУҚАРОЛАРИ ҲАМДА ИШ ВАҚТИНИ ҲИСОБГА ОЛИБ БЎЛМАЙДИГАН ШАХСЛАРНИНГ АЙРИМ ТОИФАЛАРИ ТОМОНИДАН ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ ҲУЗУРИДАГИ БЮДЖЕТДАН ТАШҚАРИ ПЕНСИЯ ЖАМҒАРМАСИГА СУҒУРТА БАДАЛЛАРИ ТЎЛАШ ТАРТИБИНИ, ШУНИНГДЕК УЛАРНИНГ ПЕНСИЯНИ ҲИСОБЛАШ УЧУН ОЛИНАДИГАН ИШ СТАЖИНИ ВА ИШ ҲАҚИ МИҚДОРИНИ ҲИСОБГА ОЛИШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҚАРОРИ ЧЕТ ЭЛДА ИШЛАЁТГАН ЎЗБЕКИСТОН РЕСПУБЛИКАСИ ФУҚАРОЛАРИ ҲАМДА ИШ ВАҚТИНИ ҲИСОБГА ОЛИБ БЎЛМАЙДИГАН ШАХСЛАРНИНГ АЙРИМ ТОИФАЛАРИ ТОМОНИДАН ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ ҲУЗУРИДАГИ БЮДЖЕТДАН ТАШҚАРИ ПЕНСИЯ ЖАМҒАРМАСИГА СУҒУРТА БАДАЛЛАРИ ТЎЛАШ ТАРТИБИНИ, ШУНИНГДЕК УЛАРНИНГ ПЕНСИЯНИ ҲИСОБЛАШ УЧУН ОЛИНАДИГАН ИШ СТАЖИНИ ВА ИШ ҲАҚИ МИҚДОРИНИ ҲИСОБГА ОЛИШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА (Ўзбекистон Республикаси қонун ҳужжатлари тўплами, 2016 й., 8-сон, 77-модда) Ўзбекистон Республикаси Солиқ кодексининг 311-моддасига мувофиқ ҳамда чет элда ишлаган шахслар ва иш вақтини ҳисобга олиб бўлмайдиган шахсларнинг айрим тоифалари томонидан суғурта бадалларини тўлашнинг ягона механизмини ташкил этиш орқали пенсия қонунчилигини янада такомиллаштириш мақсадида Вазирлар Маҳкамаси қарор қилади: 1. Чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаш тартибини, шунингдек уларнинг пенсияни ҳисоблаш учун олинадиган иш стажини ва иш ҳақи миқдорини ҳисобга олиш тартиби тўғрисидаги низом 1-иловага мувофиқ тасдиқлансин. 2. Ўзбекистон Республикаси Меҳнат ва аҳолини ижтимоий муҳофаза қилиш вазирлиги икки ой муддатда меҳнат дафтарчаларини юритиш тўғрисида Йўриқномага чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари меҳнат дафтарчаларини тўлдириш қоидаларини назарда тутувчи ўзгартиришлар ва қўшимчаларни белгиланган тартибда киритсин. 3. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин. 4. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин. 5. Ўзбекистон Республикаси Молия вазирлиги манфаатдор вазирликлар ва идоралар билан биргаликда бир ой муддатда идоравий норматив-ҳуқуқий ҳужжатларни ушбу қарорга мувофиқлаштирсин. 6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — молия вазири Р.С. Азимов зиммасига юклансин. Ўзбекистон Республикасининг Бош вазири Ш. МИРЗИЁЕВ Тошкент ш., 2016 йил 22 февраль, 46-сон Вазирлар Маҳкамасининг 2016 йил 22 февралдаги 46-сон қарорига 1-ИЛОВА Чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаш тартибини, шунингдек уларнинг пенсияни ҳисоблаш учун олинадиган иш стажини ва иш ҳақи миқдорини ҳисобга олиш тартиби тўғрисида НИЗОМ I. Умумий қоидалар 1. Ушбу Низом Ўзбекистон Республикасининг Солиқ кодексига ва «Фуқароларнинг давлат пенсия таъминоти тўғрисида»ги Ўзбекистон Республикаси Қонунига (кейинги ўринларда Қонун деб аталади) мувофиқ чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига (кейинги ўринларда Пенсия жамғармаси деб аталади) суғурта бадаллари тўлаш тартибини, шунингдек улар томонидан Пенсия жамғармасига тўланган суғурта бадалларини, пенсияни ҳисоблаш учун олинадиган иш стажини ва иш ҳақи миқдорини ҳисобга олиш тартибини белгилайди. 2. Ушбу Низомда қуйидаги асосий тушунчалардан фойдаланилади: чет элда ёлланган ҳолда ишловчи шахс — Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳузуридаги Ташқи меҳнат миграцияси масалалари агентлиги ёки фуқароларни чет элларда ишга жойлаштириш бўйича хўжалик ҳисобидаги минтақавий Бюролардан (кейинги ўринларда ваколатли орган деб аталади) чет элда меҳнат фаолиятини амалга ошириш учун қонун ҳужжатларида белгиланган тартибда рухсатнома олган чет элда ёлланган ҳолда ишловчи Ўзбекистон Республикаси фуқароси, шунингдек Ўзбекистон Республикаси давлат органлари ва бошқа ташкилотлари томонидан хорижий давлатларда ташкил этилган (очилган) савдо уйлари, ваколатхоналар (шу жумладан юридик шахс ташкил этмаган ҳолда), ташкилотларда ишловчи Ўзбекистон Республикаси фуқароси; солиқ агенти ҳисобланмаган иш берувчидан даромад олувчи ходим — Ўзбекистон Республикаси қонун ҳужжатларига ва халқаро шартномаларига мувофиқ Пенсия жамғармасига суғурта бадалларини ҳисоблаш ва ушлаб қолиш мажбуриятлари юкланмаган Ўзбекистон Республикасидаги хорижий давлатлар дипломатик ваколатхонасида (элчихонасида ёки миссиясида), консуллик муассасасида (Бош консулликда, консулликда, вице-консулликда ёки консуллик агентлигида) ёки халқаро (ҳукуматлараро) ташкилотлар ваколатхоналарида ишловчи Ўзбекистон Республикаси фуқароси, Ўзбекистон Республикасида доимий яшовчи чет эл фуқароси ва фуқаролиги бўлмаган шахс; якка тартибдаги тадбиркор — тадбиркорлик фаолиятини юридик шахс ташкил этмаган ҳолда, мустақил равишда, ўзига мулк ҳуқуқи асосида тегишли бўлган мол-мулк негизида ёки мол-мулкка эгалик қилиш ва (ёки) ундан фойдаланишга йўл қўядиган ўзга ашёвий ҳуқуқ асосида амалга оширувчи жисмоний шахс, шунингдек оилавий тадбиркорлик субъекти; юридик шахс ташкил этмаган ҳолда оилавий тадбиркорлик шаклида фаолиятни амалга оширувчи оила аъзоси (кейинги ўринларда оилавий тадбиркорлик субъекти оиласи аъзоси деб аталади) — якка тартибдаги тадбиркорни (оилавий тадбиркорлик субъектини) давлат рўйхатига олиш тўғрисида гувоҳномада кўрсатилган хотини (эри), болалари ва набиралари, ота-онаси, меҳнатга қобилиятли ёшга тўлган бошқа қариндошлари (болалари ва набираларининг эрлари (хотинлари), туғишган ҳамда ўгай ака-ука ва опа-сингиллари, уларнинг эрлари (хотинлари) ҳамда болалари, тоға ва амаки ҳамда амма ва холалари); деҳқон хўжалиги аъзоси — биргаликда яшаётган ва деҳқон хўжалигини биргаликда юритаётган оила бошлиғи, унинг хотини (эри), болалари, шу жумладан фарзандликка олинган болалари, тарбияга олган болалари, ота-оналари, меҳнатга қобилиятли ёшга етган бошқа қариндошлари. 3. Чет элда ёлланган ҳолда ишловчи шахс, солиқ агенти ҳисобланмаган иш берувчидан даромад олувчи ходим, шунингдек деҳқон хўжалиги аъзоси (деҳқон хўжалиги бошлиғидан ташқари) Пенсия жамғармасига суғурта бадалларини ихтиёрий равишда тўлайдилар. Якка тартибдаги тадбиркор ва деҳқон хўжалиги бошлиғи Пенсия жамғармасига суғурта бадалларини мажбурий равишда тўлайдилар. Оилавий тадбиркорлик субъекти оиласи аъзоси учун Пенсия жамғармасига суғурта бадалларини тўлаш бўйича мажбурият оилавий тадбиркорлик субъекти номидан иш юритадиган, якка тартибдаги тадбиркор сифатида рўйхатдан ўтган оила аъзосига юкланади. Шахсий ёрдамчи хўжаликларда қорамол боқиш ва етиштирилган чорвачилик маҳсулотларини сотиш билан банд бўлган жисмоний шахслар бўйича суғурта бадалларини тўлаш ва ҳисобини юритиш ушбу Низомда деҳқон хўжалиги аъзоси учун назарда тутилган тартибда амалга оширилади. Якка тартибдаги тадбиркор томонидан ёлланган ходимлар суғурта бадаллари ҳисобини юритиш ушбу Низомда оилавий тадбиркорлик субъекти оиласи аъзоси учун назарда тутилган тартибда амалга оширилади. 4. Ушбу Низомнинг 3-бандида кўрсатиб ўтилган шахслар Пенсия жамғармасига суғурта бадаллари тўлаш шарти билан Қонунга мувофиқ давлат пенсия таъминоти ҳуқуқига эга бўладилар. Бунда пенсия миқдори Пенсия жамғармасига тўланган суғурта бадаллари миқдори ва иш стажининг давомийлигига боғлиқ бўлади. 5. Пенсия жамғармасига тўланган суғурта бадаллари қайтариб берилмайди, Ўзбекистон Республикаси Солиқ кодексининг 58-моддасида назарда тутилган ҳолатлар бундан мустасно. II. Пенсия жамғармасига суғурта бадалларини тўлаш тартиби 1-§. Чет элда ёлланган ҳолда ишловчи шахс томонидан Пенсия жамғармасига суғурта бадалларини тўлаш тартиби 6. Чет элда ёлланган ҳолда ишловчи шахс бошқа давлатда ишлаган ҳар бир ойи учун Пенсия жамғармасига суғурта бадалларини ихтиёрий равишда тўлайди. Чет элда ёлланган ҳолда ишлаган шахс Ўзбекистон Республикасига келгандан сўнг ваколатли орган томонидан келганидан кейин уч кун муддатда паспортидаги Ўзбекистон Республикаси Давлат чегарасини кесиб ўтганлиги тўғрисидаги ёзувлар (муҳрлар, штамплар ёки белгилар) асосида Пенсия жамғармасига суғурта бадаллари тўлаш ва меҳнат дафтарчасига тегишли ёзувларни киритиш учун асос ҳисобланадиган белгиланган шаклдаги чет эл давлати ва у ерда бўлган вақти тўғрисида маълумотнома берилади. Чет элда бўлиш даври, шунингдек Ўзбекистон Республикасининг дипломатик ваколатхоналари ва консуллик муассасаларининг кўрсатиб ўтилган шахснинг бошқа давлатда бўлган вақти ва консуллик ҳисобига қўйилганлиги маълумоти кўрсатилган тегишли ҳужжатлар асосида ҳам тасдиқланиши мумкин. 7. Солиқ тўловчининг идентификация рақами (кейинги ўринларда СТИР деб аталади) мавжуд бўлмаганда чет элга ишлашга кетаётган шахс солиқ тўловчи сифатида унга СТИР расмийлаштирилиши билан биргаликда доимий яшаш жойи бўйича давлат солиқ хизмати органларида ҳисобга қўйилиши шарт. 8. Чет элда ёлланган ҳолда ишловчи шахс пенсия билан таъминланиш миқдоридан келиб чиқиб Пенсия жамғармасига суғурта бадаллари миқдорини мустақил равишда, бироқ ҳар ой учун Пенсия жамғармасига суғурта бадаллари тўлаш санасида қонун ҳужжатларида белгиланган энг кам ойлик иш ҳақининг бир баробаридан кам бўлмаган миқдорда белгилаши мумкин. 9. Чет элда ёлланган ҳолда ишловчи шахс томонидан суғурта бадалларини тўлаш қуйидаги тартибда амалга оширилиши мумкин: ҳар ойда ёки ҳар чоракда; бир йўла — Ўзбекистон Республикасига келган кунидан бошлаб уч ой мобайнида. Пенсия жамғармасига суғурта бадаллари нақд пулсиз ҳисоб-китоб бўйича тўланган тақдирда суғурта бадали тўланганлиги тўғрисидаги тўлов ҳужжатида кўрсатилган сана суғурта бадали тўланган кун ҳисобланади. Тўлов ҳужжатида фамилия, исм, отасининг исми, СТИР ва тўлов амалга оширилаётган давр албатта кўрсатилиши шарт. Агар тўлов ҳужжатида давр кўрсатилмаган бўлса, тўлов у амалга оширилаётган ой учун тўланган деб ҳисобланади. 10. Миллий валютадаги суғурта бадаллари чет элда ёлланган ҳолда ишловчи шахс доимий яшаш жойи бўйича давлат солиқ хизмати органларига хизмат кўрсатаётган банкларда очилган Пенсия жамғармасининг тегишли даромад транзит ҳисоб рақамларига унинг томонидан мустақил равишда, оила аъзолари ёки ишончли вакил томонидан тўланади. Пенсия жамғармасига суғурта бадалларини тўлаш хорижий валютада (бошқа давлат ҳудудидан) Пенсия жамғармасининг махсус валюта ҳисоб рақамларига амалга оширилиши мумкин ва тўлов санасига Ўзбекистон Республикаси Марказий банки томонидан белгиланган курс бўйича миллий валютага қайта ҳисоблаб чиқилади. 11. Чет элда ёлланган ҳолда ишловчи шахс томонидан Пенсия жамғармасига суғурта бадаллари тўланмаган тақдирда, Пенсия жамғармасининг тегишли бўлими томонидан меҳнат дафтарчасига ёзувлар киритилмайди. Чет элда ёлланган ҳолда ишловчи шахс Пенсия жамғармасига суғурта бадалларини тўлашни тўхтатиб турганда, пенсия тайинлаш учун олинадиган иш стажи ҳисоби Пенсия жамғармасига суғурта бадаллари тўланган сўнгги санадан бошлаб тўхтатиб турилади. Пенсия жамғармасига тўланган суғурта бадаллари миқдори суғурта бадалларининг белгиланган миқдоридан кам бўлган тақдирда, пенсия тайинлаш учун олинадиган тегишли давр учун иш стажи зарур маблағларни қўшимча киритиш шарти билан ҳисобга олинади. 2-§. Солиқ агенти ҳисобланмайдиган иш берувчидан даромад олувчи ходим томонидан Пенсия жамғармасига суғурта бадалларини тўлаш тартиби 12. Солиқ агенти ҳисобланмайдиган иш берувчидан даромад олувчи ходим Пенсия жамғармасига суғурта бадалларини жами йиллик даромад тўғрисидаги декларацияда кўрсатилган меҳнатга ҳақ тўлаш тарзидаги даромадлар суммасидан келиб чиққан ҳолда, суғурта бадалларини тўлаш ҳақида жами йиллик даромад тўғрисидаги декларацияни тақдим этиш билан бир вақтда бериладиган ариза асосида ихтиёрий равишда тўлайди. 13. Давлат солиқ хизмати органи солиқ агенти ҳисобланмайдиган иш берувчидан даромад олувчи ходимнинг жами йиллик даромад тўғрисидаги декларациясида кўрсатилган маълумотлари асосида Пенсия жамғармасига суғурта бадаллари тўлаш бўйича олдинги йил учун мажбуриятларни ҳисоб-китоб қилади. 14. Пенсия жамғармасига суғурта бадалларини тўлаш солиқ агенти ҳисобланмайдиган иш берувчидан даромад олувчи ходимнинг доимий яшаш жойи бўйича давлат солиқ хизмати органларига хизмат кўрсатаётган банкларда очилган Пенсия жамғармасининг тегишли даромад транзит ҳисоб рақамларига давлат солиқ хизмати органлари томонидан ҳисоблаб чиқариладиган жисмоний шахслардан олинадиган даромад солиғини тўлаш муддатларида амалга оширилади. Пенсия жамғармасига суғурта бадаллари нақд пулсиз ҳисоб-китоб бўйича тўланган тақдирда суғурта бадали тўланганлиги тўғрисидаги тўлов ҳужжатида кўрсатилган сана суғурта бадали тўланган кун ҳисобланади. Тўлов ҳужжатида фамилия, исм, отасининг исми, СТИР ва тўлов амалга оширилаётган давр албатта кўрсатилиши шарт. 3-§. Якка тартибдаги тадбиркор, деҳқон хўжалиги аъзоси ва оилавий тадбиркорлик субъекти оиласи аъзоси томонидан Пенсия жамғармасига суғурта бадаллари тўлаш тартиби 15. Якка тартибдаги тадбиркор ва деҳқон хўжалиги аъзоси ўзи учун ўзидаги мавжуд имкониятлардан ва пенсия билан таъминланишнинг миқдоридан келиб чиқиб, Пенсия жамғармасига суғурта бадаллари миқдорини мустақил равишда, бироқ Ўзбекистон Республикаси Солиқ кодексининг 311-моддасида белгиланган суғурта бадалларнинг энг кам миқдоридан кам бўлмаган миқдорида белгилайди. Якка тартибдаги тадбиркор оилавий тадбиркорлик субъектининг ҳар бир аъзоси, шунингдек меҳнат шартномаси бўйича якка тартибдаги тадбиркор томонидан ёлланган ҳар бир ходим учун Пенсия жамғармасига ҳар ойда энг кам иш ҳақининг 50 фоизи миқдорида суғурта бадали тўлайди. 16. Суғурта бадаллари: якка тартибдаги тадбиркор ва оилавий тадбиркорлик субъекти оила аъзолари томонидан — ҳар ойда, тадбиркорлик фаолияти амалга оширилган ойнинг 25-кунидан кечиктирмай тўланади; деҳқон хўжалиги аъзоси томонидан — ҳисобот йилининг 1 октябригача тўланади. Бунда суғурта бадалларининг миқдори тўлов кунига белгиланган энг кам ойлик иш ҳақи миқдоридан келиб чиққан ҳолда ҳисоблаб чиқарилади. Янги рўйхатдан ўтган якка тартибдаги тадбиркорлар ва оилавий тадбиркорлик субъекти оила аъзолари томонидан суғурта бадалларини тўлаш улар якка тартибдаги тадбиркор сифатида давлат рўйхатидан ўтказилган ойдан кейинги ойдан бошлаб амалга оширилади. Пенсия жамғармасига суғурта бадаллари нақд пулсиз ҳисоб-китоб бўйича тўланган тақдирда суғурта бадали тўланганлиги тўғрисидаги тўлов ҳужжатида кўрсатилган сана суғурта бадали тўланган кун ҳисобланади. Тўлов ҳужжатида фамилия, исм, отасининг исми, СТИР ва тўлов амалга оширилаётган давр албатта кўрсатилиши шарт. Бунда оилавий тадбиркорлик субъекти оила аъзолари ва деҳқон хўжалиги аъзолари бўйича тўлов ҳужжати ҳар бир оила аъзоси учун алоҳида-алоҳида ёзилади. Агар тўлов ҳужжатида давр кўрсатилмаган бўлса, тўлов у амалга оширилаётган ой (деҳқон хўжаликлари аъзолари учун — йил) учун тўланган деб ҳисобланади. 17. Суғурта бадаллари якка тартибдаги тадбиркорнинг (деҳқон хўжалиги аъзосининг) доимий яшаш жойи бўйича давлат солиқ хизмати органига хизмат кўрсатаётган банкларда очилган Пенсия жамғармасининг тегишли даромад транзит ҳисоб рақамларига тўланади. 18. Якка тартибдаги тадбиркор белгиланган тартибда тадбиркорлик фаолиятини тўхтатиб турган даврда Пенсия жамғармасига суғурта бадалларини тўлаш амалга оширилмайди ва ушбу даврда пенсия тайинлаш учун иш стажи ҳисобга олинмайди. Деҳқон хўжалиги аъзоси ва оилавий тадбиркорлик субъекти оила аъзосига пенсия тайинлашда иш стажига Пенсия жамғармасига суғурта бадаллари тўланмаган даврлар қўшилмайди. III. Пенсия жамғармасига суғурта бадалларини тўлаш ҳисобини юритиш тартиби 19. Якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси томонидан ва оилавий тадбиркорлик субъекти оила аъзоси учун) Пенсия жамғармасига тўланган суғурта бадаллари ҳисоби унинг доимий яшаш жойи бўйича давлат солиқ хизмати органи ва Пенсия жамғармаси бўлимида юритилади. Ушбу мақсадларда якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси) доимий яшаш манзили бўйича Пенсия жамғармаси бўлимига қуйидаги ҳужжатларни топширади: мазкур Низомга 1-иловага мувофиқ шакл бўйича ариза; давлат солиқ хизмати органлари томонидан берилган СТИР расмийлаштирилганлиги тўғрисида маълумотнома нусхаси; паспорт нусхаси; меҳнат ва жамғариб бориладиган пенсия дафтарчаси (агар мавжуд бўлса); ваколатли орган томонидан расмийлаштирилган белгиланган шаклдаги чет эл давлати ва у ерда бўлган вақти тўғрисида маълумотнома — чет элда ёлланган ҳолда ишловчи шахс учун; фуқароларнинг ўзини ўзи бошқариш органи томонидан шахсий ёрдамчи хўжалигида қорамол мавжудлиги тўғрисида маълумотнома — қорамол ўстириш билан шуғулланувчи шахс учун. Пенсия жамғармасига тўланган суғурта бадаллари ҳисоби, шу жумладан давлат солиқ хизмати органларида, ушбу Низомда назарда тутилган тартибда тўлдириш талабларига амал қилган ҳолда расмийлаштирилган тўлов ҳужжатлари асосида амалга оширилади. 20. Давлат солиқ хизмати органи якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси томонидан ва оилавий тадбиркорлик субъекти оила аъзоси учун) Пенсия жамғармасига суғурта бадаллари тўланган тақдирда ахборот-коммуникация технологияларидан фойдаланган ҳолда ҳар чоракда ҳисобот чорагидан кейинги ойнинг 15-кунигача якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) доимий яшаш жойи бўйича Пенсия жамғармаси бўлимига тўланган суғурта бадаллари тўғрисида ахборотни тақдим этади. Давлат солиқ хизмати органи Пенсия жамғармасига суғурта бадаллари тушумлари бўйича якунларни: якка тартибдаги тадбиркордан, деҳқон хўжалиги раҳбаридан ва оилавий тадбиркорлик субъекти оила аъзолари учун — ҳар чоракда амалга оширади ва тўланмаган ёки муддати ўтказиб юборилган тўловлар аниқланган тақдирда кўрсатилган шахсга Ўзбекистон Республикаси Солиқ кодексининг 60-моддасига асосан унинг қарзи миқдори ҳақида ушбу қарз ҳосил бўлган давр, шунингдек тўлов муддати ўтказиб юборилганлиги учун қўшилган пеня миқдорини кўрсатган ҳолда талабнома юборади; чет элда ёлланган ҳолда ишловчи шахсдан — ҳар йили амалга оширади. 21. Давлат солиқ органи якка тартибдаги тадбиркордан (чет элда ёлланган ҳолда ишловчи шахсдан, деҳқон хўжалиги аъзосидан ва оилавий тадбиркорлик субъекти оила аъзоси учун) Пенсия жамғармасига суғурта бадаллари тушиши юзасидан доимий назорат олиб боради ва ҳар чоракда ҳисобот чорагидан кейинги ойнинг 20-кунигача якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) доимий яшаш жойи бўйича Пенсия жамғармаси бўлимига: мазкур Низомга 2-иловага мувофиқ шакл бўйича ҳисобот чорагида ҳисобга қўйилган (ҳисобдан чиқарилган) якка тартибдаги тадбиркорлар (деҳқон хўжалиги аъзолари ва оилавий тадбиркорлик субъекти оила аъзолари) тўғрисидаги ахборотни; мазкур Низомга 3-иловага мувофиқ шакл бўйича бюджетдан ташқари Пенсия жамғармасига тўланган суғурта бадаллари тўғрисидаги маълумотларни тақдим этади. 22. Пенсия жамғармаси бўлими: Пенсия жамғармаси бўлимида доимий равишда сақланадиган мазкур Низомга 4-иловага мувофиқ шакл бўйича Пенсия жамғармасига суғурта бадаллари тўланишини ҳисобга олишнинг шахсий карточкасини (кейинги ўринларда Ҳисобга олиш карточкаси деб аталади) очади (ёпади); Пенсия жамғармасига суғурта бадаллари тўланганлиги тўғрисидаги, шу жумладан ахборот-коммуникация технологияларидан фойдаланган ҳолда олинган маълумотлар асосида Ҳисобга олиш карточкасига Пенсия жамғармасига суғурта бадаллари суммалари (якка тартибдаги тадбиркор томонидан Пенсия жамғармаси суғурта бадалларини ўз вақтида тўланмаганлиги учун ҳисобланадиган пеняни ҳисобга олмаган ҳолда) ва улар тўланган даврлар тўғрисидаги ёзувларни қайд этади; қонун ҳужжатларида белгиланган меҳнат дафтарчаларини юритиш тартибига мувофиқ якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) меҳнат дафтарчасига тегишли ёзувларни қайд этади; якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) меҳнат дафтарчасига тегишли ёзувларнинг тўғри ва ўз вақтида қайд этилиши юзасидан жавоб беради. 23. Якка тартибдаги тадбиркорда (чет элда ёлланган ҳолда ишловчи шахсда, деҳқон хўжалиги аъзосида ва оилавий тадбиркорлик субъекти оила аъзосида) сақланадиган Пенсия жамғармаси бўлими томонидан якка тартибдаги тадбиркорга (чет элда ёлланган ҳолда ишловчи шахсга, деҳқон хўжалиги аъзосига ва оилавий тадбиркорлик субъекти оила аъзосига) мазкур Низомга 5-иловага мувофиқ шакл бўйича очиладиган бюджетдан ташқари Пенсия жамғармасига суғурта бадаллари тўланишини ҳисобга олиш дафтарчаси (кейинги ўринларда Ҳисобга олиш дафтарчаси деб аталади), шунингдек Пенсия жамғармасига суғурта бадалларининг тўланганлигини тасдиқловчи банк квитанциялари ва тўлов ҳужжатларининг асл нусхалари Пенсия жамғармасига суғурта бадаллари тўланганлигини тасдиқловчи асосий ҳужжатлар ҳисобланади. 24. Якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) хоҳишига кўра Пенсия жамғармаси бўлими тўлов ҳужжатлари билан тасдиқланган Пенсия жамғармасига тўланган суғурта бадаллари суммаларини Ҳисобга олиш карточкасига ва Ҳисобга олиш дафтаридаги ёзувлар билан солиштириши шарт. Солиштириш натижалари Ҳисобга олиш карточкаси ва Ҳисобга олиш дафтарига киритилади ҳамда якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси), Пенсия жамғармаси бўлими масъул ходими ва раҳбарининг имзоси, шунингдек Пенсия жамғармаси бўлими муҳри билан тасдиқланади. 25. Пенсия жамғармасига суғурта бадаллари тўланганлиги тўғрисидаги тўлов ҳужжатлари Пенсия жамғармасига тўланган суғурта бадаллар Ҳисобга олиш карточкаси ва Ҳисобга олиш дафтаридаги ёзувлар билан солиштирилгунга қадар ва солиштирилгандан кейин ҳам якка тартибдаги тадбиркорда (чет элда ёлланган ҳолда ишловчи шахсда, деҳқон хўжалиги аъзосида ва оилавий тадбиркорлик субъекти оила аъзосида) сақланиши керак. 26. Якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси)нинг доимий яшаш жойи ўзгарганда Пенсия жамғармаси бўлими бир кун давомида якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) тегишли аризаси ва рўйхатдан чиққанлиги тўғрисидаги белги қўйилган унинг паспорти нусхаси асосида Ҳисобга олиш карточкасига ва Ҳисобга олиш дафтарига ҳисобдан чиқарилганлиги тўғрисида тегишли белгиларни киритади. Янги яшаш жойи бўйича Пенсия жамғармаси бўлими бир кун давомида яшаш жойи ўзгарганлиги муносабати билан Ҳисобга олиш карточкасини ва Ҳисобга олиш дафтарини ҳисобга қўйиш тўғрисидаги якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) аризасига асосан янги яшаш жойи бўйича рўйхатга қўйилганлиги тўғрисида паспортдаги белги асосида Ҳисобга олиш карточкасини ва Ҳисобга олиш дафтарини ҳисобга қўяди. IV. Иш стажи ҳисобини юритиш тартиби 27. Якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) меҳнат дафтарчаси якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) доимий яшаш жойи бўйича Пенсия жамғармаси бўлимида фаолиятни амалга оширишнинг (Пенсия жамғармасига суғурта бадалларини тўлашнинг) бутун даври давомида сақланади ва юритилади. 28. Агар деҳқон хўжалигидаги меҳнати ёки якка тартибдаги тадбиркорлик фаолияти фуқаро учун қўшимча ҳисобланса унинг меҳнат дафтарчаси асосий иш жойида юритилади. Якка тартибдаги тадбиркорнинг (деҳқон хўжалиги аъзосининг ва оилавий тадбиркорлик субъекти оила аъзосининг) хоҳишига кўра меҳнат дафтарчасига якка тартибдаги тадбиркор (деҳқон хўжалиги аъзоси ва оилавий тадбиркорлик субъекти оила аъзоси) сифатидаги фаолият даври тўғрисидаги ёзув киритилиши мумкин. Ёзув рўйхатдан ўтган жойидаги Пенсия жамғармаси бўлими томонидан киритилади. 29. Якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси) фаолияти тўғрисида меҳнат дафтарчасига тегишли ёзувлар якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) доимий яшаш жойи бўйича Пенсия жамғармаси бўлими томонидан киритилади. Агар якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси) Пенсия жамғармасига суғурта бадалларини тўлагунга қадар меҳнат дафтарчасига эга бўлмаган бўлса, меҳнат дафтарчаси бланки Бандликка кўмаклашиш ва аҳолини ижтимоий муҳофаза қилиш туман (шаҳар) марказлари томонидан, қонун ҳужжатларида белгиланган тартибда сотилади. Меҳнат дафтарчаси бланкаси учун ҳақ уни олувчи томонидан, белгиланган тартибда тўланади. 30. Якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси ва оилавий тадбиркорлик субъекти оила аъзоси) фаолияти тўғрисидаги меҳнат дафтарчасига тегишли ёзувлар Пенсия жамғармаси бўлимининг масъул ходими имзоси ва Пенсия жамғармаси бўлимининг гербли муҳри билан тасдиқланади. Фаолиятини ёки Пенсия жамғармасига суғурта бадаллари тўлашни тўхтатган, шунингдек доимий яшаш жойини ўзгартирган шахснинг талабига асосан Пенсия жамғармаси бўлими мурожаат этган кундан кечиктирмай унга меҳнат дафтарчасини беради. 31. Пенсия тайинлаш учун якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) бандлиги даврини ҳисобга олишда меҳнат дафтарчасидаги тегишли ёзувлар, шунингдек Ҳисобга олиш карточкасида ҳам тасдиқланиши керак. 32. Якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) кўрсатилган фаолият тури билан бандлик даври тўғрисидаги ёзувлар Пенсия жамғармасига суғурта бадаллари тўланган даврлар тўғрисидаги ёзувларга мос келиши юзасидан назорат Пенсия жамғармаси бўлими бошлиғи томонидан амалга оширилади. V. Пенсияни ҳисоблаш учун қабул қилинадиган иш стажи ва иш ҳақи миқдорини ҳисоблаб чиқиш тартиби 33. Ушбу Низомнинг 3-бандида кўрсатиб ўтилган шахслар иш стажига улар фаолият юритган ва Пенсия жамғармасига суғурта бадаллари тўлаган даврлар киритилади. 34. Пенсия тайинлаш учун якка тартибдаги тадбиркорнинг (деҳқон хўжалиги раҳбарининг ва оилавий тадбиркорлик субъекти оила аъзосининг) иш стажини ҳисоблаб чиқишда, агар Пенсия жамғармасига тўланган суғурта бадаллари суммаси ушбу йилнинг барча ойлари учун белгиланган энг кам суғурта бадалларидан кам бўлмаса (тўланган пеняларни ҳисобга олмаган ҳолда) иш стажига календарь йил қўшилади. 35. Деҳқон хўжалиги аъзосига пенсия тайинлаш учун иш стажини ҳисоблаб чиқишда Ўзбекистон Республикаси Солиқ кодексининг 311-моддасида белгиланган Пенсия жамғармасига суғурта бадаллари миқдори тўланганда иш стажига бир йил қўшилади. 36. Солиқ агенти ҳисобланмайдиган иш берувчидан даромад олувчи ходимга пенсия тайинлаш учун иш стажини ҳисоблаб чиқишда, агар Пенсия жамғармасига тўланган суғурта бадаллари суммаси жами йиллик даромад тўғрисидаги декларацияда кўрсатилган маълумотлар асосида ҳисоблаб чиқилган суғурта бадаллари миқдоридан кам бўлмаган бўлса, иш стажига календарь йил қўшилади. 37. Бошқа барча ҳолатларда иш стажи Пенсия жамғармасига суғурта бадаллари тўланган ойларга мутаносиб равишда ҳисобга олинади. 38. Меҳнат дафтарчаси бўлмаган ёки йўқолган тақдирда якка тартибдаги тадбиркорнинг (чет элда ёлланган ҳолда ишловчи шахснинг, деҳқон хўжалиги аъзосининг ва оилавий тадбиркорлик субъекти оила аъзосининг) пенсия тайинлаш учун зарур бўлган иш стажи тўлов ҳужжатлари билан тасдиқланган Ҳисобга олиш карточкасидаги ёки Ҳисобга олиш дафтаридаги ёзувлар асосида ҳисоблаб чиқилади. Якка тартибдаги тадбиркор (чет элда ёлланган ҳолда ишловчи шахс, солиқ агенти ҳисобланмайдиган иш берувчидан даромад олувчи ходим, деҳқон хўжалиги аъзоси ва оилавий тадбиркорлик субъекти оила аъзоси) томонидан Пенсия жамғармасига суғурта бадалларини тўлаш далили гувоҳлар кўрсатмалари билан тасдиқланмайди. 39. Пенсия миқдорини ҳисоблаб чиқишда ҳисобга олинадиган аниқ бир ой (йил) учун якка тартибдаги тадбиркорнинг (чет элда ёлланган ҳолда ишловчи шахснинг, солиқ агенти ҳисобланмайдиган иш берувчидан даромад олувчи ходимнинг ва деҳқон хўжалиги аъзосининг) даромади Пенсия жамғармасига тўланган ойлик (йиллик) суғурта бадали суммасини Пенсия жамғармасига суғурта бадалларини тўлаш даврида амалда бўлган ягона ижтимоий тўлов (микрофирмалар ва кичик корхоналар, шунингдек фермер хўжаликлари учун) ва суғурта бадалларининг умумий ставкасига бўлиш ҳамда олинган натижани 100 га кўпайтириш йўли билан аниқланади. Якка тартибдаги тадбиркор томонидан ёлланган ходимнинг, шунингдек оилавий тадбиркорлик субъекти оила аъзосининг пенсия миқдорини ҳисоблаб чиқишда ҳисобга олинадиган аниқ бир ой учун даромади Пенсия жамғармасига суғурта бадаллари тўланган ойдаги меҳнатга ҳақ тўлашнинг қонун ҳужжатларида белгиланган энг кам ойлик иш ҳақи миқдорига тенг қилиб олинади. VI. Якунловчи қоидалар 40. Мазкур Низомнинг бузилишида айбдор бўлган шахслар қонун ҳужжатларида белгиланган тартибда жавобгар бўладилар. 41. Пенсия жамғармасига суғурта бадалларини тўғри ҳисоблаб чиқарилиши ҳисоби, ҳисоботи ва назорати қонун ҳужжатларида белгиланган тартибда амалга оширилади. Чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаш тартибини, шунингдек ула